اسلام آباد (مانندنیوز)انسانی حقوق کی تنظیم ہیومن رائٹس واچ نے جنوبی ایران میں پرائمری اسکول پر حملے کی جنگی جرم کے طور پر تحقیق کرنے کا مطالبہ کر دیا۔
تنظیم کے ایک عہدے دار کا کہنا ہے کہ اس غیر قانونی حملے کے ذمے داروں کو کٹہرے میں کھڑا کرنا چاہیے، اور الزامات میں جنگی جرائم بھی شامل ہونے چاہئیں۔
ایران: ایلیمینٹری اسکول پر امریکی حملے سے پہلے کی ویڈیو جاری
ہیومن رائٹس واچ کے عہدے دار نے کہا کہ حملہ کرنے والوں کو پتہ ہونا چاہیے تھا کہ یہ اسکول ہے اور دن کے دوران یہاں بچے اور اساتذہ ہیں۔
یاد رہے کہ ایران پر حملے کے پہلے دن 28 فروری کو جنوبی ایران کے اسکول پر اسرائیلی اور امریکی حملے میں 168 بچیاں شہید ہو گئی تھی۔