دریائے سندھ کے کنارے غیر قانونی پلیسر گولڈ مائننگ روکنے کیلئے کامیاب گرینڈ آپریشن کیاگیا ہے۔ڈپٹی کمشنر کوہاٹ

دریائے سندھ کے کنارے غیر قانونی پلیسر گولڈ مائننگ روکنے کیلئے کامیاب گرینڈ آپریشن کیاگیا ہے۔ڈپٹی کمشنر کوہاٹ
ڈپٹی کمشنر کوہاٹ محمد نواز وزیر نے کہا ہے کہ ضلعی انتظامیہ نے پولیس اوردیگرمتعلقہ اداروں کے ساتھ مل کرضلع میں دریائے سندھ کے کنارے پلیسر گولڈ کی غیر قانونی کان کنی کے خلاف کامیاب گرینڈ آپریشن کیاہے اور صورتحال مکمل کنٹرول میں ہے۔ میڈیا سے گفتگو کرتے ہوئے انہوں نے بتایا کہ ضلع بھر میں دفعہ 144 نافذ ہے جس کا مقصد غیر قانونی سرگرمیوں کی روک تھام اور امن و امان کی صورتحال کو برقرار رکھنا ہے۔ ڈپٹی کمشنرنے کہاکہ رات کی تاریکی میں چھپ کر کان کنی کرنے والے عناصرپر بھی کھڑی نظر ہے اوران کے خلاف سخت قانونی کارروائیاں جاری ہیں تاکہ اس غیر قانونی دھندے کو دوبارہ سر نہ اٹھانے دیا جائے۔ انہوں نے واضح کیا کہ کسی بھی محکمہ یا فرد کی جانب سے غیر قانونی سرگرمی برداشت نہیں کی جائے گی اور خلاف ورزی کرنے والوں کے خلاف بلا امتیاز کارروائی عمل میں لائی جائے گی۔ڈپٹی کمشنرنے بتایا کہ علاقے میں نگرانی مزید سخت کر دی گئی ہے اور غیر قانونی کان کنی کے مکمل خاتمے تک اقدامات جاری رہیں گے