اسلام آباد (مانند نیوز) مہاراجہ رنجیت سنگھ کی برسی کی تقریبات میں شرکت کے لیے بھارت سے 337 سکھ یاتری پاکستان پہنچ گئے۔
صوبائی وزیر سردار رمیش سنگھ آروڑہ نے سکھ یاتریوں کا استقبال کیا۔
سردار رمیش سنگھ آروڑہ نے بتایا کہ یاتریوں کے قیام وطعام کے خصوصی انتظامات کیے ہیں۔
چیئرمین متروکہ وقف املاک قمرالزمان نے بھی سکھ یاتریوں کا استقبال کیا۔
اُنہوں نے کہا کہ سکھ یاتریوں کو پاکستان میں محفوظ، پُرامن اور دوستانہ ماحول فراہم کیا جا رہا ہے۔