0

قائداعظم یونیورسٹی میں نیکوٹین پاٶچز(شیشہ، تمباکو) استعمال کے خلاف پینٹنگ مقابلہ

اسلام آباد (مانند نیوز)قاٸداعظم یونیورسٹی کی آرٹ سوساٸٹی میں نکوٹین پاٶچز اور تمباکو نوشی کے استعمال کے خلاف پینٹنگ مقابلہ قاٸداعظم یونیورسٹی کی آرٹ سوساٸٹی اور کرومیٹک ٹرسٹ نے مشترکہ طور پہ تعلیمی اداروں میں نیکوٹین پاٶچز اور تمباکو نوشی کی جدید اقسام کے استعمال کے خلاف آگاہی مہم کے حوالے سے طلبا و طالبات کے مابین پینٹنگ مقابلہ کروایا ۔مقابلے کا موضوع نکوٹین پاوچز اور تمباکو نوشی کی جدید اقسام کے استعمال پہ پابندی تھا ۔ اس پینٹنگ مقابلے میں تیس سے زاٸد طلبا و طالبات نے شرکت کی اور تخلیقی مصوری کے ذریعے نکوٹین پاٶچز کے انسانی صحت پہ پڑنے والے نقصانات کو نمایاں کیا ۔مقابلے کے اختتام پہ ماہرین نے پہلے ، دوسرے اور تیسرے نمبر پہ آنیوالے طلباء و طالبات کو شیلڈز دیں جبکہ دیگر شرکاء کو ان کی بہترین کاوشوں پہ سرٹیفیکٹس دٸیے گٸے ۔ اس موقع پہ قاٸداعظم یونیورسٹی کی آرٹ سوساٸٹی کی انچارج ڈاکٹر فوزیہ فاروق نے اس پینٹنگ مقابلے کو ملک بھر بالخصوص اعلی تعلیمی اداروں میں نکوٹین پاٶچز اور تمباکو نوشی کی جدید اقسام کے استعمال کے خلاف بہت بڑی کامیابی قرار دیا ۔ اس موق پہ قاٸداعظم یونیورسٹی کی آرٹ سوساٸٹی کی انچارج کا کہنا تھا کہ اگر ہمیں طلباء و طالبات کا مستقبل تابناک بنانا ہے تو تعلیمی اداروں کو نشے کی لعنت سے پاک کرنا ہو گا۔اختتامی تقریب سے خطاب کرتے ہوۓ کرومیٹک ٹرسٹ کے سی ای او شارق خان نے مقابلے میں شریک طلباء و طالبات اور قاٸداعظم یونیورسٹی کی آرٹ سوساٸٹی کا شکریہ ادا کیا اور  کہا کہ تمباکو نوشی اور نکوٹین پاٶچز سمیت نشے کی دیگر جدید اقسام کے استعمال کا اصل ہدف نوجوان ہیں ۔ شارق خان کا کہنا تھا کہ متوسط طبقے سے جامعات تک پہنچنے والے طلبا و طالبات انتہاٸی مشکلات کے بعد اس سطح پہ پہنچتے ہیں اور ہماری کوشش ہے کہ نکوٹین پاٶچز اور دیگر اقسام کے نشے سے کسی کی بھی عمر بھر کی محنت ضاٸع نہ ہو ۔ شارق خان کا کہنا تھا کہ یہ بچے ہمارا مستقبل ہیں اور پاکستان کی باگ ڈور انہی کے ہاتھ میں ہے اس لیے ہمیں ان کا ہر براٸی سے تحفظ کرنا ہو گا اور اس کا بہترین طریقہ براٸی کے خلاف آگاہی ہے اور ہم کٹھن حالات میں بھی یہ سفر جاری رکھیں گے اور وہ دن دور نہیں جب پاکستان تمباکو سے پاک ممالک کی فہرست میں شامل ہو گا

Share and Enjoy !

Shares

اپنا تبصرہ بھیجیں