اسلام آباد (مانند نیوز ڈیسک) پارلیمنٹ ہاؤس میں کورونا کیسز کی صورتحال تشویش ناک ہو نے پر عمارت کو ایک بار پھر بند کرنے پر غور کیا گیا۔ دونوں سیکرٹریٹ کے اعلیٰ افسران بھی کورونا کی زد میں آگئے۔ سینیٹ اور قومی اسمبلی کے متعدد شعبہ جات بھی کورونا سے متاثر ہیں۔ کئی افسران اور ملازمین میں کورونا کیسز کی تصدیق ہوئی ہے اور انہیں قرنطینہ کر دیا گیا۔پارلیمنٹ ہاؤس میں کورونا کیسز کی شرح 30 فیصد سے بھی بڑھ گئی۔ دونوں ایوانوں کے سیکرٹریز نے بھی سپیکر اور چیئرمین سینیٹ کو دو ہفتوں کے لیے عمارت بند کرنے کی تجویز دے دی ہے۔ قائمہ کمیٹیوں کے اجلاس میں بھی وزارتوں کے 50 سے 70 افسران کی شرکت پر تشویش کا اظہار کیا گیا۔