اسلام آباد (مانند نیوز ڈیسک) وفاقی وزیربرائے منصوبہ بندی اسد عمر نے کہا ہے کہ کورونا وبا کے باعث ملک میں اگلے چند ہفتے خطرناک ہیں۔سماجی رابطے کی ویب سائٹ ٹوئٹرپرانہوں نے کہا کہ کورونا وبا کے باعث ملک میں اگلے چند ہفتے خطرناک ہیں اس لیے ایس او پیز پر عمل کیا جائے۔انہوں نے کہا کہ ملک میں کورونا کے 5 ہزار360 مریضوں کی حالت نازک ہے جوآکسیجن پرہیں۔ آکسیجن پرجانے والے مریضوں کی تعداد پچھلے سال جون کی نسبت ستاون فیصد زیادہ ہے۔اسد عمر نے کہا کہ الحمداللہ، کورونا مریضوں کی بڑھتی تعداد کی فی الحال بہترحکمت عملی سے سنبھال رکھا ہے، اگلے چند ہفتے خطرناک ہیں، ایس اوپیزپرعمل کیا جائے، اللہ ہمیں بچائے رکھے۔