اسلام آباد (مانند نیوز ڈیسک) وزیراعظم عمران خان نے کہا ہے کہ دہشتگردوں کیخلاف ہماری لڑائی جاری رہے گی،بلوچستان کا امن و ترقی سبوتاژ کرنے کی اجازت نہیں دیں گے۔وزیراعظم عمران خان نے گذشتہ رات بلوچستان میں ہونے والے دہشتگرد حملے کی شدید مذمت کرتے ہوئے سوشل میڈیا پر ٹویٹ کرتے ہوئے کہا کہ گذشتہ شب بلوچستان میں ہمارے سپاہیوں پر دہشتگرد حملے کے نتیجے میں 4 جوان شہید اور 8 زخمی ہوئے، جس کی شدید مذمت کرتا ہوں۔ عمران خان نے کہا کہ میری دعائیں اور ہمدردیاں شہدا کے اہلِ خانہ کیساتھ ہیں۔ ان دہشتگردوں کیخلاف ہماری لڑائی جاری رہے گی اور ہم انہیں بلوچستان میں امن و ترقی تاراج کرنے کی اجازت نہیں دینگے۔