لاہور (مانند نیوز ڈیسک) پنجاب حکومت نے روڈ سیکٹر میں 15میگا ترقیاتی پراجیکٹ لانے کا فیصلہ کرلیا۔ وفاقی حکومت سڑکوں کی تعمیر کیلئے پنجاب حکومت کو 70ارب روپے دے گی۔ نجی ٹی وی کے مطابق پنجاب حکومت نے روڈ سیکٹر میں 15میگا ترقیاتی پراجیکٹ لانے کا فیصلہ کر لیا، وفاقی حکومت کی جانب سے دو مرحلوں میں پیسے دئیے جائیں گے۔ پہلے مرحلے میں تیس ارب، دوسرے مرحلے میں 40ارب روپے دئیے جائیں گے۔میگا منصوبوں میں بہاولپور کو موٹروے سے ملایا جائے گا۔ گوجرانوالہ کو موٹروے ایم ٹو کیساتھ ملایا جائے گا۔ سرگودھا انٹرچینج روڈ کی تعمیر و مرمت کی جائے گی۔ میاں چنوں کو عبدالحکیم انٹرچینج کیساتھ ملایاجائے گا۔