پشاور (مانند نیوز ڈیسک) ملک کے دیگر حصوں کی طرح پشاوراور صوبے بھر میں جشن آزادی کو بھر پور طریقے سے منانے کیلئے تیاریاں شروع ہو گئی ہیں اور مختلف شہروں کے چھوٹے بڑے بازاروں میں عارضی اسٹال سجا دیئے گئے ہیں جن پر سبز ہلالی پرچم،جھنڈیاں،بیجز اور ٹی شرٹس بھی شامل ہیں۔عوام کی جانب سے خریداری شروع کر دی گئی ہے۔تفصیلات کے مطابق گزشتہ سالوں کی طرح اس سال بھی جشن آزادی کی مناسبت سے پشاورسمیت صوبے کے دیگر شہروں میں تیاریاں شروع کر دی گئی ہے اور مختلف بازاروں میں عارضی اسٹال لگائے گئے ہیں جن پر سبز ہلالی پرچم،بیجز،جھنڈیاں اور ٹی شرٹس شامل ہیں۔پشاورکے ہشت نگری اور قصہ خوانی بازار کے علاوہ پشاور صدر میں دکانوں پر بھی جشن آزادی کی مناسبت سے سامان لایا جارہا ہے جبکہ عوام کی جانب سے خریداری شروع کر دی گئی ہے اور خاص کر بچے بڑے پیمانے پر خریداری میں دلچسپی لے رہے ہیں۔