کراچی (مانند نیوز ڈیسک) کراچی کے ساحل سمندر پر پھنسے مال بردار جہاز کو نکالنے کیلئے آپریشن شروع کردیا گیا۔ نجی ٹی وی کے مطابق ڈائریکٹوریٹ جنرل آف پورٹس اینڈ شپنگ نے کراچی کے ساحل پر پھنسے بحری جہاز ہینگ ٹونگ 77 کو نکالنے کے لیے سالویج پلان کے حوالے سے کمیٹی تشکیل دی تھی، 3 رکنی کمیٹی میں ڈپٹی کنزرویٹر کے پی ٹی کیپٹن محمد الطاف، مرکنٹائل میرین ڈیپارٹمنٹ کے پرنسپل افسر سلمان رضا اور چیف انجینئر و شپ سرویئروامق ابرار صدیقی شامل ہیں۔تین رکنی کمیٹی نے آپریشن کے پلان کی منظوری دے دی جس کے بعد ہیوی مشینری کی مدد سے جہاز کے اطراف سے ریت اور مٹی ہٹانے کا کام شروع کردیا گیا۔ اس سلسلے میں جہاز پر اینکرز بھی پہنچا دیئے گئے۔