لاہور (مانند نیوز ڈیسک) وزیر اعلیٰ پنجاب عثمان بزدار نے کہا ہے کہ موجودہ حکومت پسماندہ علاقوں کی ترقی کیلئے کام کررہی ہے۔وزیراعلیٰ پنجاب عثمان بزدارسے فورٹ منرو کے قبائلی عمائدین اور معززین علاقہ نے ملاقات کی۔ وزیر اعلیٰ نے ان کے مسائل سنے اور موقع پر ہی احکامات جاری کئے،وزیر اعلیٰ نے بلوچی اور سرائیکی زبان میں عمائدین سے حال احوال کیا۔عثمان بزدار نے کہا کہ کوہ سلیمان ڈویلپمنٹ اتھارٹی کو فعال کر کے دائرہ کاربڑھا دیا گیا۔انہوں نے کہا کہ ماضی کی حکومت نے پسماندہ اضلاع سے سوتیلی ماں جیسا سلوک کیا، ہماری حکومت پسماندہ اور وسائل سے محروم علاقوں کی مساوی ترقی پر کام کررہی ہے۔