پشاور (مانند نیوز ڈیسک) پشاور میں بارش سے موسم خوشگوار ہو گیا تاہم شہر میں صفائی کی صورتحال انتہائی خراب ہوگئی۔تفصیلات کے مطابق صوبائی دارالحکومت پشاورمیں شدید گرمی کے بعد بارش سے موسم انتہائی خوشگوار ہو گیا اور گرمی سے مرجھائے چہروں پر خوشی لوٹ آئی۔خوشگوار موسم میں سارا دن ٹھنڈی ہوائیں چلتی رہیں تاہم بارش کے ساتھ ہی عملہ صفائی کی ناقص کارکردگی کے باعث شہر میں جگہ جگہ گندگی کے ڈھیر لگ گئے اور کیچڑ کی وجہ سے بیشتر علاقوں سے پیدل چلنا بھی مشکل ہو گیا جبکہ بارش کے ساتھ ہی اندرون شہری علاقوں میں بجلی کی لوڈشیڈنگ اور آنکھ مچولی کا سلسلہ بھی جاری رہا جس کے باعث شہریوں کو پریشانی کا سامنا کرناپڑا تاہم بارش اور خوشگوار موسم سے شہری خوب لطف اندوز ہوئے۔