کابل (مانند نیوز ڈیسک) افغانستان کی وادی پنجشیر میں لڑائی کے دوران 7طالبان جاں بحق ہو گئے۔غیر ملکی خبر رساں ا دارے کے مطابق رکن مزاحمتی محاذ فہیم دشتی نے الزام عائد کیا ہے کہ طالبان نے پنجشیرمیں چیک پوسٹ پر رات گئے حملہ کیا۔فہیم دشتی کے مطابق جوابی حملے میں 7طالبان اہلکار جاں بحق ہوئے جبکہ مزاحمتی محاذ کے 2ارکان سمیت متعدد زخمی ہوگئے۔افغانستان کی وادی پنجشیر میں افغان طالبان اور مزاحمتی اتحادی فورس کے کارکنان کے درمیان جھڑپوں کی اطلاعات ملی ہیں۔
