دیر بالا(مانند نیوز ڈیسک) براول میں سڑک کی تعمیر کے تنازع پر جرگے کے دوران فائرنگ سے 9افراد جاں بحق اور 16زخمی ہوگئے، جن میں 5 کی حالت تشویشناک ہے۔ دیر بالا کے علاقے براول میں گانو چم کے مقام پر سڑک کی تعمیر کے تنازع کے حل کے لیے فریقین کے درمیان جرگہ جاری تھا کہ اس دوران جھگڑا ہوگیا، دونوں فریقین نے ایک دوسرے پر فائرنگ کردی، جس کے نتیجے میں 9افراد جاں بحق اور 16زخمی ہوگئے۔لاشوں اور زخمیوں کو فوری طور پر ڈی ایچ کیو دیر منتقل کردیا گیا، جہاں عملے نے 9 افراد کی ہلاکت کی تصدیق کی ہے، اسپتال انتظامیہ کا کہنا ہے کہ 16 زخمیوں کو طبی امداد دی جارہی ہے جن میں 5 کی حالت تشویشناک ہے۔
