اسلام آباد (مانند نیوز ڈیسک) وزیراعظم عمران خان نے قومی سلامتی کمیٹی کا اہم اجلاس آج (جمعہ کو) طلب کر لیا۔ذرائع کے مطابق قومی سلامتی کمیٹی کے اجلاس میں اعلیٰ عسکری قیادت، وفاقی وزرا ء اور مشیر شرکت کریں گے۔ذرائع نے بتا یاہے کہ قومی سلامتی کمیٹی کے اجلاس میں ملکی سکیورٹی کے علاوہ افغانستان کی بدلتی ہوئی صورت حال پر تبادلہ خیال کیا جائے گا۔ذرائع کا کہنا ہے کہ عسکری حکام ملکی قومی سلامتی کے اجلاس میں اندرونی و بیرونی صورت حال اور بارڈر مینجمنٹ پر بریفنگ دیں گے جبکہ مشیر برائے قومی سلامتی امور شرکا ء کو افغانستان کی بدلتی ہوئی صورت سے متعلق آگاہ کریں گے۔
