مظفرگڑھ (مانند نیوز ڈیسک) مظفرگڑھ کے نواحی علاقے پیر جہانیاں میں گھر میں آگ بھڑک اٹھی جس کے نتیجے میں ایک ہی خاندان کے 7 افراد جھلس کر جاں بحق ہوگئے۔ریسکیو حکام کے مطابق مظفر گڑھ کے نواحی علاقے پیرجہانیاں میں گھرمیں آتشزدگی کے باعث 7افراد جھلس کر جاں بحق ہو گئے، مرنے والوں میں 4 بچے،ایک مرد اور 2 خواتین شامل ہیں، جاں بحق ہونے والے بچوں کی عمریں 18 سال سے 2 ماہ کے درمیان ہیں، تمام لاشوں کو ڈسٹرکٹ ہسپتال منتقل کردیا گیا،آگ لگنے کی وجہ معلوم نہیں ہوسکی۔ جائے وقوعہ سے شواہد اکٹھے کرلئے گئے۔