چلاس (مانند نیوز ڈیسک) بابوسر ٹاپ اور گیٹی داس پر پھنسی 22 گاڑیوں اور مسافروں کو ریسکیو کرلیا گیا۔ریسکیو حکام کے مطابق پھنسی ہوئی گاڑیوں اور مسافروں کو ریسکیو کرکے چلاس پہنچا یا گیا، چلاس شہر اور گردونواح میں بارش، بابو سر ٹاپ، فیری میڈوز، نانگا پربت میں برفباری جاری رہی، برفباری کے باعث بابوسر ناران نیشنل ہائی وے عارضی طور پر بند رہی۔بابوسر ٹاپ پر 16 انچ تک برف پڑی، ہائی وے کی بندش سے بابوسر اور ناران کے درمیان زمینی رابطہ منقطع ہوگیا۔دوسری جانب سماہنی، بھمبر آزاد کشمیر میں تیز ہوا کے ساتھ موسلادھار بارش کا سلسلہ جاری رہا۔ اسلام آباد، راولپنڈی اور مینگورہ میں بھی بادل برسنے سے سردی بڑھ گئی۔