دوحہ (مانند نیوز ڈیسک) افغان وزیر خارجہ مولوی امیر خان متقی نے چینی وزیر خارجہ وانگ ژی سے قطر کے دالحکومت دوحہ میں ملاقات کی۔ جبکہ دونوں وزراء خارجہ نے وفود کی سطح پر مذاکرات بھی کئے۔ مذاکرات میں منجمد اثاثوں کی بحالی، مالی اور طبی امداد، چینی ریلوے ٹریل سمیت دیگر امور زیر بحث آئے۔ ملاقات کے دوران افغانستان اور چین کے درمیان دو طرفہ سیاسی، اقتصادی امور اور دیگر معاملات پر تبادلہ خیال کیا گیا۔ دونوں وزاء خارجہ کی ملاقات کے دوران ایک دوسرے سے تحائف کا تبادلہ بھی ہوا۔
