کالے (مانند نیوز ڈیسک) فرانس سے برطانیہ جانے والی تارکین وطن کی کشتی ڈوب گئی جس کے باعث ہونیوالی ہلاکتیں 31 تک پہنچ گئیں۔غیرملکی خبررساں ادارے کے مطابق کشتی میں 34 افراد سوار تھے، جس میں خواتین اور بچوں کی بڑی تعداد شامل تھی۔ ریسکیو حکام نے کہا کہ تارکین وطن کی کشتی کو حادثہ کلائس کی شمالی بندرگاہ کے ساحل پرپیش آیا۔ فرانسیسی جہاز نے پانی میں لاشوں کو تیرتا دیکھنے کے بعد کارروائی کا آغاز کیا جو ابھی تک جاری ہیں۔ مقامی حکام نے کہا کہ تلاش میں حصہ لینے کے لیے تین ہیلی کاپٹرز اور تین کشتیوں کو تعینات کیا گیا۔