پشاور میں خواتین ووٹرز کا احتجاج

پشاور (مانند نیوز ڈیسک) پشاور کے گورنمنٹ گرلز پرائمری سکول گور گٹھری میں قائم زنانہ پولنگ سٹیشن پر پولنگ کا عمل شروع نہ ہو سکا جس کی وجہ سے پولنگ سٹیشن کے باہر خواتین ووٹرز نے احتجاج کیا ہے۔مشتعل خواتین ووٹرز کا کہنا ہے کہ ایک گھنٹے سے زیادہ ہو گیا ہے ہمیں ووٹ کاسٹ کرنے نہیں دیا گیا۔ریٹرننگ آفیسر گل بانو نے اس حوالے سے تسلیم کیا ہے کہ وقت پر پولنگ شروع نہیں کرا سکے۔ ان کا یہ بھی کہنا تھا کہ انتخابی عمل کے لیے انتظامات کر رہے ہیں، ووٹرز کو اضافی وقت دیں گے۔واضح رہے کہ خیبر پختونخوا کے 17 اضلاع میں بلدیاتی انتخابات میں پولنگ کا عمل جاری ہے۔ووٹنگ کا یہ سلسلہ شام 5 بجے تک کسی وقفے کے بغیر جاری رہے گا۔