گوجرانوالہ (مانند نیوز ڈیسک) گوجرانوالہ میں معمولی جھگڑے پر فائرنگ سے دو سگے بھائی قتل کردیئے گئے۔ پولیس کے مطابق گوجرانوالہ کے علاقے راہوالی میں معمولی جھگڑے پر فائرنگ سے دو سگے بھائی قتل کردیئے گئے۔ مقتولین کی شناخت شہزاد اور حنیف کے نام سے ہوئی جن کا جواد خان سے جھگڑا ہوا تھا۔پولیس حکام نے بتایا کہ مقتول شہزاد کا گذشتہ روز جواد خان کے ساتھ جھگڑا ہوا تھا، شہزاد اپنے بھائی حنیف کے ساتھ گھر جا رہا تھا، کہ راستے میں گھات لگائے ملزم جواد نے اپنے ساتھیوں کے ہمراہ دونوں بھائیوں پر فائرنگ کر دی، شہزاد اور حنیف گولیاں لگنے سے موقع پر ہی دم توڑ گئے۔پولیس کے مطابق مقتول حنیف کی بیوہ کی درخواست پر تھانہ کینٹ پولیس نے ملزم جواد اور دیگر نامعلوم افراد کے خلاف مقدمہ درج کرلیاجبکہ لاشوں کو پوسٹ مارٹم کے لئے سول ہسپتال منتقل کردیا گیا،قاتلوں کی گرفتاری کے لئے ٹیمیں تشکیل دے دی گئیں۔