گوجرانوالہ (مانند نیوز ڈیسک) وفاقی وزیر تعلیم شفقت محمود نے کہا ہے کہ پی ٹی آئی چھوڑنے والوں کی سیاست ختم ہوجائیگی۔گوجرانوالہ میں میڈیا سے گفتگو کرتے ہوئے شفقت محمود نے کہا کہ لوٹ مار کے پیسوں سے ہارس ٹریڈنگ کی جارہی ہے، پارٹیاں تبدیل کرنا کوئی سیاست نہیں، اپوزیشن تحریک عدم اعتماد کا شوق پورا کر لے، ملک سے بھاگنے والا اپنی جائیدادوں کے بارے میں کچھ نہیں بتا سکا، اپوزیشن کو ناکامی کا سامنا کرنا پڑے گا۔انہوں نے کہا کہ وزیراعظم نے میلسی میں کامیاب جلسہ کیا، پیپلزپارٹی کا لانگ مارچ نہیں فراڈ مارچ ہے۔انہوں نے کہا کہ ایک صاحب پی ٹی آئی میں شامل ہوئے تھے، کل کہا گیا اپنے گھر لوٹ گیا، پی ٹی آئی میں آئے کیوں تھے؟ پی ٹی آئی چھوڑنے والوں کی سیاست ختم ہوجائیگی، اپوزیشن نے ہارس ٹریڈنگ کا بازار گرم کررکھا ہے۔