اسلام آباد (مانند نیوز ڈیسک) وفاقی دارالحکومت اسلام آباد میں جلسے کے سلسلے میں آنے والے جمعیت علمائے اسلام (ف) کے کارکنوں کیلئے ایچ نائن پارک میں لگائے مختلف کیمپس میں ناشتے کا اہتمام کیا گیا۔ کارکنان نے پارک میں نمازِ فجر ادا کی اس کے بعد جے یو آئی ایف کے کارکنان کیلئے ایچ نائن پارک میں لگے مختلف کیمپس میں ناشتہ کیا۔جے یو آئی ایف کے کارکنوں کی ایچ نائن پارک میں آمد کا سلسلہ جاری ہے۔دوسری جانب دارالحکومت اسلام آباد کے سرینگر ہائی وے پر ٹریفک مکمل طور پر بحال ہے۔وفاقی دارالحکومت اسلام آباد کی ٹریفک پولیس کے مطابق اسلام آباد کے تمام راستے اس وقت ٹریفک کی آمد و رفت کے لیے مکمل طور پر کھلے ہوئے ہیں۔