اسلام آباد (مانند نیوز ڈیسک) سابق گورنر پنجاب چوہدری محمد سرور کے عثمان بزدار پر لگائے گئے الزامات کو ترجمان وزیراعلیٰ آفس نے مسترد کردیا۔ترجمان وزیراعلیٰ آفس نے کہا کہ چوہدری سرور کے عثمان بزدار پر الزامات میں صداقت نہیں، تقرر و تبادلوں میں ہمیشہ میرٹ کو مدنظر رکھا گیا۔انہوں نے کہا کہ گورنر رہنے والے شخص کو ایسی باتیں زیب نہیں دیتیں، چوہدری سرور کے بے بنیاد الزامات کی سختی سے تردید کرتے ہیں۔ترجمان نے کہا کہ چوہدری سرور اور عثمان بزدار کے درمیان ہمیشہ عزت و احترام کا رشتہ رہا۔