آئین سے کوئی بالاتر نہیں، خواہ لاڈلا ہی کیوں نہ ہو،ریحام خان

اسلام آباد (مانند نیوز ڈیسک) وزیراعظم عمران خان کی سابقہ اہلیہ ریحام خان نے کہا ہے کہ آئین سے کوئی بالاتر نہیں، خواہ لاڈلا ہی کیوں نہ ہو۔ ہفتہ کو وزیراعظم عمران خان کی سابقہ اہلیہ ریحام خان بھی پارلیمنٹ ہاؤس پہنچ گئیں۔پارلیمنٹ ہاؤس پہنچنے پر صحافیوں سے گفتگو میں ریحام خان نے کہا کہ کوئی بھی آئین سے بالاتر نہیں، خواہ وہ لاڈلا ہی کیوں نہ ہو۔انہوں نے کہا کہ وزیراعظم نے کسی کی پرواہ نہیں کی، خود غرض شخص نے عوام کا خیال نہیں کیا، اب وہ عوام کا دروازہ کھٹکھٹانے کے لیے کس منہ سے جائے گا۔ریحام خان نے کہا کہ وزیراعظم نے ناصرف اپنے ساتھ بلکہ عوام کے ساتھ بھی بہت بڑی زیادتی کی ہے۔ انہوں نے کہا کہ ڈالر 190 تک پہنچ گیا، اب لمبی تقریریں کر کے یہ ڈالر کو 200 تک پہنچانے کی سازش کررہے ہیں۔ریحام خان نے کہا کہ پاکستان میں شاید کچھ ہی لوگ ایسے ہیں جو بات نہ سمجھ رہے ہوں، باقی سب اچھے سے سمجھ گئے ہیں کہ آئین کی بالادستی، قانون کی پاسداری ہر شہری کے اوپر لازم ہے۔