اوچ لوئر دیر (مانند نیوز ڈیسک) گزشتہ روز اوچ کے علمائے کرام کا اجلاس دارالعلوم مظہرالاسلام اوچ غربی میں منعقد ہوا۔ متفقہ فیصلہ ہوا کہ تقریر 7بجے شروع ہوگی اور ٹھیک 7:30بجے نماز عید ادا کی جائے گی۔نماز عید اوچ سٹیڈیم میں ہوگی البتہ بارش کی صورت میں نماز عید مساجد میں ادا کی جائے گی۔عید مرکزی رؤیت ہلال کمیٹی کے فیصلے کے مطابق منائی جائے گی۔عوام الناس کے لئے گندم کے حساب سے صدقہ فطر 150روپے مقرر کیا گیا۔ جبکہ خواص سے گزارش ہے کہ اپنی استطاعت کے مطابق کشمش٫ کجھور یا جو کا حساب لگاکر صدقہ فطر ادا کریں۔مزید یہ کہ جن مساجد میں عید کی نماز ادا کی جاتی ہے ان کے عوام اور آئمہ کرام سے اپیل ہے کہ مسلمانوں کے اتفاق کے لئے عیدگاہ میں آکر یہ سنت زندہ کیجئیے۔مکرر تاکیدکی جاتی ہے عوام الناس کہ گرم موسم کا لحاظ کرتے ہوئے 7بجے عیدگاہ پہنچ جائیں تاکہ ٹھیک 7:30بجے نماز عید کی جماعت کھڑی ہوسکے۔