ہنزہ (مانند نیوز ڈیسک) شیشپر گلیشیئر جھیل کی تباہ کاری کے تین دن بعد بحالی کا کام شروع کر دیا گیا۔ڈپٹی کمشنر ہنزہ عثمان علی نے کہا کہ منہدم پل کے پاس مشینری پہنچا دی گئی، 2مقامات پر کام جاری ہے۔ڈی سی ہنزہ نے بتایا کہ دو روز میں پیدل آمد ورفت کے لیے پل بنایا جائے گا۔ دوسری جانب ہنزہ وادی میں موسم صاف اور گرم ہے۔واضح رہے کہ ہنزہ کے علاقے حسن آباد میں شیشپر گلیشئر گرمی کی شدت سے پگھل جانے پر وہاں بننے والی جھیل سے پانی کا بے پناہ اخراج شروع ہوا۔علاقے میں سیلابی صورتحال پیدا ہوجانے کے سبب حسن آباد کا مرکزی پل ٹوٹ کر سیلابی نالے میں بہہ گیا جس کے سبب شاہراہ قراقرم بند ہوگئی۔