کوہستان (مانند نیوز ڈیسک) ضلعی انتظامیہ کوہستان اپرکی جانب سے اسسٹنٹ کمشنر داسو ہیڈ کوارٹرز حافظ وقار احمد کی زیرنگرانی گورنمنٹ سینٹینیل ماڈل ہائی سکول داسو میں کھلی کچہری کا انعقاد کیا گیا۔ جس میں کثیر تعداد میں لوگوں نے شرکت کی اور اہلیان علاقہ نے درپیش مسائل بیان کئے۔ اس موقع پر تمام محکموں کے سربراہان و نمائندگان موجود تھے۔ اسسٹنٹ کمشنر داسو ہیڈ کوارٹر نے ہر مسئلے کو تحمل سے سنا اور بعد ازاں متعلقہ محکمے کے سربراہ سے تصفیہ جواب طلب کیا۔ آخر میں اسسٹنٹ کمشنر داسو کوہستان نے شرکاء کو یقین دلایا کہ ان کے تمام مسائل کو ترجیحی بنیادوں پر حل کیا جائے گا اور ان کے مسائل کو منٹس کی شکل میں تمام محکمہ جات کو ارسال کیے جائیں گے۔ جس پر علاقے کے لوگوں نے اطمینان کا اظہار کیا اور ضلعی انتظامیہ کوہستان کا شکریہ ادا کیا۔