کراچی (مانند نیوز ڈیسک) پاکستان کے سیلاب متاثرین کیلئے عمان سے بھی امدادی سامان لے کر 2 پروازیں کراچی پہنچ گئیں۔ایوی ایشن حکام کے مطابق رائل عمانی ایئر فورس کے خصوصی طیاروں کے ذریعے امدادی سامان پاکستان بھیجا گیا ہے۔کراچی کے جناح انٹرنیشنل ایئر پورٹ پر قونصل جنرل عمان، پاکستان آرمی کے فائیو کور کے افسران، نیشنل ڈیزاسٹر مینجمنٹ اتھارٹی اور موفا کے نمائندوں نے پرواز کا استقبال کیا۔ عمان حکومت اور عوام کی جانب سے انسانی ہمدردی کی بنیاد پر پاکستان کے متاثرینِ سیلاب کے لیے بھیجے گئے سامان میں کھانے پینے کی اشیا اور دیگر ضروریات کا سامان شامل ہے۔