کوہاٹ (مانند نیوز) چیئرمین ڈیڈک کوہاٹ ضیاء اللہ بنگش کی زیرصدارت گورنمنٹ گرلز ڈگری کالج استرزئی کوہاٹ کے حوالے سے جائزہ اجلاس بدھ کے روز منعقد ہوا۔اجلاس میں پرنسپل گورنمنٹ پوسٹ گریجویٹ کالج کوہاٹ، پرنسپل گورنمنٹ گرلز ڈگری کالج استرزئی، محکمہ سی اینڈ ڈبلیو کے افسران سمیت دیگر متعلقہ افسران نے شرکت کی۔ اجلاس میں گورنمنٹ گرلز ڈگری کالج استرزئی کوہاٹ میں داخلے سمیت کالج کے مسائل، سٹاف کی بھرتی اور دیگر امور پر تبادلہ خیال کیا گیا۔ایک فیصلے کے مطابق سٹاف کی بھرتی کا اشتہار آج جاری کر دیا جائے گا۔علاوہ ازیں کالج میں داخلے کی آخری تاریخ میں 30 ستمبر تک توسیع کر دی گئی۔گورنمنٹ گرلز ڈگری کالج استرزئی کوہاٹ میں کلاسز کا آغاز 20 اکتوبر سے ہو گا۔