وزیراعظم شہباز شریف کا ملک میں ایک اور بحران کا اشارہ

نیویارک(مانند نیوز ڈیسک) وزیراعظم شہباز شریف نے ملک میں ایک اور بحران کا اشارہ دیتے ہوئے کہا گیس کی قلت کا سامنا ہوسکتا ہے۔
تفصیلات کے مطابق وزیراعظم شہباز شریف نے نیویارک میں بلومبرگ کو انٹر ویو دیتے ہوئے ملک میں ایک اور بحران کا خدشہ ظاہر کردیا۔
شہباز شریف نے خبردار کیا کہ پاکستان کو گیس کی قلت کا سامنا ہوسکتا ہے، گیس کی کمی سے مشکلات اور بڑھ جائیں گی۔
وزیراعظم نے بتایا کہ گیس کیلئے ٹینڈز دیے لیکن ساری گیس یورپ نے خرید لی، اب روسی صدر سے گیس اور گندم کی خریداری کی بات کی ہے۔
غیر ملکی میڈیا کو انٹرویو میں وزیراعظم نے سیلاب متاثرین کیلئے عالمی برادری سے مدد کی اپیل کرتے ہوئے کہا پاکستان کو قرض کی ادائیگی میں ریلیف کی ضرورت ہے۔