اسلام آباد (مانند نیوز) امریکی پابندیوں کے باعث ایران میں دواؤں کی کمی تشویشناک شکل اختیار کر گئی، بہت سی دوائیں نایاب ہیں، جو دستیاب ہیں، ان کی قیمتیں آسمان سے باتیں کرنے لگی ہیں۔
ایران 80 فیصد دوائیں ملک میں تیار کرتا ہے، لیکن ان میں سے بیشتر کا انحصار درآمد شدہ خام مال پر ہے۔
خام مال کی درآمد پہلے ایران کی امریکی بحری ناکہ بندی سے متاثر ہوئی، اب ایرانی ایئر لائنز پر امریکی پابندیوں نے ایرانی دوا ساز اداروں کی رہی سہی کمر بھی توڑ دی۔
میڈیا رپورٹ کے مطابق ایران میں پڑوسی ملکوں افغانستان، پاکستان اور عراق سے دوائیں اسمگل ہوتی ہیں، لیکن ان ملکوں میں دوائیں ایران سے مہنگی ہیں۔