وزیراعلی سہیل آفریدی کی قیادت میں پی ٹی آئی کا لانگ مارچ لکی مروت سے کرک پہنچ گیا

پشاور (مانند نیوز)وزیراعلی خیبر پختونخوا سہیل آفریدی کی قیادت میں پاکستان تحریک انصاف (پی ٹی آئی)کا آج سے شروع ہونے والا لانگ مارچ لکی مروت سے کرک پہنچ گیا۔ اس سے قبل سہیل آفریدی بذریعہ ہیلی کاپٹر پشاور سے لکی مروت پہنچے تو کارکنوں نے ہیلی پیڈ پر ان کا استقبال کیا۔ کارکنوں سے خطاب کرتے ہوئے سہیل آفریدی کا کہنا تھا کہ بندکمروں کی پالیسی جوخیبرپختونخوا کے مفاد میں نہیں ہوگی وہ نہیں مانیں گے۔ سہیل آفریدی کا کہنا تھا کہ وفاق میں جب پی ٹی آئی کی حکومت تھی اس وقت امن تھا، موجودہ وفاقی حکومت کی پالیسی سے دہشت گردی ختم نہیں ہوئی بلکہ مزیدبڑھی ہے سہیل آفریدی نے دعوی کیا کہ جوپالیسی وہ دے رہے ہیں اس سے 100 دن میں امن قائم ہوسکتاہے۔ سہیل آفریدی کا کہنا تھا کہ کل کرک سے روانہ ہوں گے اور ہر دن کا پلان دیں گے۔