تخت بھائی(مانند نیوز) رُکن صوبائی اسمبلی افتخارعلی مشوانی نے خان گڑھی کلپانی میں 100 سے زائد اقسام کے 22 ہزار مُختلف چھوٹی بڑی مچھلیاں پانی میں چھوڑ کر مردان کے مچھلیوں کے سالانہ افزائش نسل کا افتتاح کردیا۔ممبرصوبائی اسمبلی افتخارعلی مشوانی نے میڈیا کے نمائیندوں سے بات چیت میں کہا کہ ضلعی حکومت کی جانب سے اس سہ ماہی میں تقریبا 1لاکھ 40 ہزار سے زائد چھوٹی مچھلیاں مُختلف کلپانی/ دریاوں میں چھوڑ دی جائے گی۔ کرنٹ اور مُختلف قسم زہر سے مچھلی کا شکارکرنے والے قانون کی گرفت سے بچ نہیں سکے گے۔ مردان واحد ضلع ہے جس میں قدرتی خوارک مچھلیاں اسی کلپانی سے حاصل کرتے ہیں اور مچھلیوں کی افزائش اس سے تیزی سے حاصل کی جاسکتی ہے۔ اس موقع پر محکمہ فشریز کے نمائیندے بھی موجودتھے۔
