ایبٹ آباد (مانند نیوز)ایڈیشنل ڈپٹی کمشنر ریلیف اینڈ ہیومن رائٹس رابعہ سجاد کی زیر صدارت سوشل ویلفیئر کمپلیکس ایبٹ آباد میں سپیشل و نابینا افراد کے لیے کھلی کچہری کا انعقاد کیا گیا۔ کھلی کچہری میں بڑی تعداد میں سپیشل افراد نے شرکت کی اور مسائل پیش کیے گئے۔ کھلی کچہری میں ضلعی محکمہ جات کے افسران بھی موجود رہے اور لوگوں کے مسائل کے حل کے حوالے سے موقع پر سوالات کے جوابات دیے۔ ایڈیشنل ڈپٹی کمشنر ایبٹ آباد نے تمام لوگوں کی شکایات سنیں اور متعلقہ محکمہ جات کے افسران کو ہدایات جاری کیں۔