باجوڑ (مانند نیوز)ڈپٹی کمشنر باجوڑ فہد وزیر کی ہدایت کے مطابق چاچاگے تحصیل سلارزئی میں اے سی خار محیب اللہ کی زیر نگرانی ایک کھلی کچہری کا اہتمام کیا گیا جس میں اے اے سی خار 2، تحصیلدار سالارزئی ذاکر خان آفریدی اور محکموں کے سربراہان نے شرکت کی۔ لوگوں کی بڑی تعداد نے شرکت کی۔ کھلی کچہری میں سکولوں، ہسپتالوں، سڑکوں، پانی کی سکیموں، بجلی، آبپاشی، بلاک شدہ سڑکوں، ریسکیو 1122 سنٹر، سیاحت اور موبائل ٹاور کی تعمیر وغیرہ کے بارے میں مختلف سوالات اٹھائے گئے۔ اے سی خار اور اے اے سی خار 2 نے انہیں یقین دلایا کہ ان کے حقیقی مطالبات کو ترجیحی بنیادوں پر حل کیں جائینگے۔علاقہ مکینوں نے ضلع انتظامیہ کا شکریہ ادا کرتے ہوئے کہا کہ ہم بہت مشکور ہیں کہ ضلع انتظامیہ کے افسران نے ہمارے مسائل سننے کیلئے اس دور دراز علاقے میں کھلی کچہری کا انعقاد کیا۔