اپر چترال (مانند نیوز )ونٹر سپورٹس فیسٹیول کے نام سے سرمائی کھیلوں کا سلسلہ حسب معمول جاری ہے۔ شیپھیشوں بونی میں سکینگ (Skiing) کا افتتاح ہوا۔ایڈیشنل ڈپٹی کمشنر جنرل اپر چترال فدالکریم نے Skiing کا باقاعدہ افتتاح کیا۔ اس مقابلے میں چترال اور گلگت کی ٹیمیں حصہ لے رہے ہیں۔ اس طرح آئس ہاکی چمپیئن بھی حسب معمول جاری ہے۔ اج کے میچز کے مہمان خصوصی شاہ عدنان اسسٹنٹ کمشنر مستوج تھے جبکہ دیگر مہمانوں میں ڈاکٹر ارشاد احمد ڈسٹرکٹ ہیلتھ آفیسر اپر چترال، محی الدین سب ڈویژنل پولیس آفیسر مستوج، عثمان سیرنگ ڈسٹرکٹ سپورٹس آفیسر اپر چترال، اسلام الدین تحصیلدار سٹیلمنٹ اپر چترال اور دوسرے عمائدین شریک تھے۔ مہمانوں اور تماشائیوں نے میچز سے بھرپور لطف اٹھائے۔
