کراچی(مانند نیوز ڈیسک)کراچی میں ماہر امراض چشم ڈاکٹر بیربل کے قتل کی تحقیقات میں ان کی اسسٹنٹ قرا ةالعین کو قتل کے شبہ میں حراست میں لے لیا گیا ہے۔پولیس زرائع کی جانب سے بتایا گیا ماہر امراض چشم ڈاکٹر بیربل کی اسسٹنٹ قرةالعین کو پولیس حکام نے باقاعدہ حراست میں لے لیا ہے۔ایس ایس پی سٹی عارف عزیز کا کہنا ہے کہ زخمی اسسٹنٹ ڈاکٹر قراة العین پر مقدمے میں شک کا اظہار کیا گیا تھا۔ انہوں نے مزید کہا کہ زخمی اسسٹنٹ نے جو بیان قلم بند کرایا وہ بھی مشکوک ہے۔ ایس ایس پی سٹی کے مطابق زخمی اسسٹنٹ کے موبائل فون کا ریکارڈ بھی طلب کرلیا گیا ہے۔دوسری جانب پولیس زرائع کا اس حوالے سے بتانا ہے کہ قراة العین کو پولیس حراست میں گارڈن تھانے منتقل کیا گیا ہے۔ گزشتہ روز گارڈن پولیس اسٹیشن میں ڈاکٹر بیربل کے قتل کا مقدمہ درج ہوا تھا مقدمے کے متن میں قراة العین پر مقتول ڈاکٹر کے بھائی نے قتل کا شبہ ظاہر کیا تھا۔پولیس ذرائع کی جانب سے مزید بتایا گیا ہے قراة العین کو وومن تھانہ صدر میں زیر حراست رکھا جائے گا۔ڈاکٹر بیربل کے قتل کے حوالے سے تحقیقاتی اور تفتیشی حکام باریک بینی سے تفتیش کر رہے ہیں۔ملزمان کی گرفتاری کے لئے تفتیشی حکام کی جانب سے کراچی کے مختلف مقامات پر چھاپے بھی مارے گئے ہیں۔