لاہور (مانند نیوز)جماعت اسلامی پاکستان کے وفد نے اسلام آباد میں ترک سفیر مہمت پچاجی سے ملاقات کی اور انھیں رجب طیب اردوان کی صدارتی انتخابات میں کامیابی پر مبارک باد دی اور پھولوں کا گلدستہ پیش کیا۔وفد میں نائب امیر جماعت اسلامی میاں محمد اسلم، ڈائریکٹر امور خارجہ آصف لقمان قاضی اور امیر جماعت اسلامی اسلام آباد نصراللہ رندھاوا شامل تھے۔ جماعت اسلامی کے قائدین کا کہنا تھا کہ رجب طیب اردوان کے انتخاب سے پوری دنیا کے مسلمانوں میں خوشی کی لہر دوڑ گئی ہے۔ انھوں نے کہا کہ آنے والے دنوں میں پاکستان اور ترکی کے تعلقات مزید مستحکم ہوں گے۔ ترک سفیر نے جماعت اسلامی کا شکریہ ادا کیا۔جاری کردہشعبہ نشرو اشاعت جماعت اسلامی پاکستان