سوات(مانند نیوز)ڈپٹی کمشنر سوات عرفان اللہ خان وزیر نے کہا ہے کہ ضلعی انتظامیہ اور دیگر متعلقہ اداروں نے دن رات ایک کرکے بحرین کے مقام پر روڈ پر تعمیراتی کام مکمل کرکے ہر قسم ٹریفک کے لیے بحال کر دیا گیا ہے۔ڈپٹی کمشنر کا کہنا تھا کہ اب چھوٹی اور بڑی گاڑی باآسانی کے ساتھ جاسکتی ہے۔انہوں نے سیاحوں اور دیگر علاقے کے لوگوں سے کہا ہے کہ سفر کے دوران کسی بھی قسم کی تکلیف یا شکایت کی صورت میں کسی بھی وقت ضلعی انتظامیہ و تحصیل انتظامیہ سے درج ذیل نمبر پر رابطہ کیا جاسکتا ہے۔09469240339 عرفان وزیر نے سیاحوں کو تمام تر سہولیات فراہم کرنے کے لیے ہر قسم کی مشینری،گریڈ ر،ٹریکٹر،ایمبولنس یا دیگر ضروری سامان تیار رکھا ہے اور معاون اور دیگر عملے کو بھی الرٹ کر دیا گیا ہے۔سیاح بلا خوف و خطر ضلع سوات کے سیاحتی مقامات کا سفر کر سکتے ہیں۔