اسلام آباد(مانند نیوز ڈیسک)وزیراعظم شہباز شریف نے کہا ہے کہ پاکستان کو قدرت نے لازوال تحفوں سے نوازا ہے، برف پوش پہاڑوں سے لے کر خوبصورت ساحل ان قدرتی تحفوں میں شامل ہیں۔ہفتہ کو اپنے ٹوئٹ میں وزیراعظم شہباز شریف نے صوبہ بلوچستان کے سپت بیچ کی دل کو موہ لینے والی تصویر شیئر کرتے ہوئے کہا کہ قدرتی نظارو ں سے ہم آہنگ ہونے والوں کیلئے یہ مقامات اہم حیثیت رکھتے ہیں۔وزیراعظم نے کہا کہ قدرت کے ان لامحدود تحفوں میں سے ایک تحفہ بلوچستان کا یہ منفردساحل ہے جو ایک حقیقی معجزہ ہے۔