کوہاٹ (مانند نیوز)ڈپٹی کمشنر کوہاٹ عظمت اللہ وزیر نے کیمیکل، دھات کی تیز تار کے ساتھ پتنگ بازی سے انسانی جانوں اور بجلی کی تاروں کو نقصان پہنچنے کے خدشہ کے پیش نظر ضلع کوہاٹ کی حدود میں پتنگ سازی، فروخت اور پتنگ بازی پر دفعہ 144 ضابطہ فوجداری کے تحت 23 اگست 2023 سے عرصہ 30دن تک کیلئے پابندی عائد کر دی ہے۔ یہ پابندی فوری طور پر نافذ العمل ہوگی. اس حکم کی خلاف ورزی دفعہ 188 ضابطہ تعزیرات پاکستان کے تحت قابل سزا ہے۔ ڈپٹی کمشنر نے عوام الناس پر زور دیا ہے کہ وہ اس حکم کی تعمیل کریں اور اس دوران پتنگ بازی سے گریز کریں۔ حکم کی خلاف ورزی پر قانون کے تحت سختی سے نمٹا جائیگا۔