سخاکوٹ(نامہ نگار) عوامی نیشنل پارٹی کے حلقہ پی کے 22کے صوبائی رہنما معوذخان شلمانی نے کہا ہے کہ ایمل ولی خان کا دورہ تحصیل درگئی پارٹی کیلئے نیگ شگون ثابت ہوگی اور انکے دورہ تحصیل درگئی سے پارٹی کارکنوں میں ایک نیا جوش، جذبہ ولولہ پیدا ہوجائے گا۔اس دورے کے دوران پاکستان پیپلز پارٹی سمیت مختلف سیاسی پارٹیوں کے درجنوں کارکنان عوامی نیشنل پارٹی میں شمولیت کا اعلا ن کرینگے۔ان خیالات کااظہار انہوں نے حجرہ نیک عمل خان مرحوم سخاکوٹ میں صوبائی صدر ایمل ولی خان کے دورہ تحصیل درگئی کے حوالے سے میڈیا سے بات چیت کرتے ہوئے کیا۔انہوں نے کہا کہ اٹھ ستمبر بروز جمعہ صوبائی صدر ایمل ولی خان تحصیل درگئی کے دورہ سے پارٹی ایک بھر پور قوت بن کر ابھریں گی اور پارٹی کاگراف تیزی سے بڑھی گی۔انہوں نے کارکنوں پر زور دیا کہ وہ صوبائی صدر کے دورہ تحصیل درگئی کو کامیاب بنانے کیلئے گھر گھر مہم چلائیں