تیمرگرہ (مانند نیوز)صوبائی حکومت نے بجلی چوری کی روک تھام اور کنڈا مافیا کے خلاف کاروائی کے لئے ڈسٹرکٹ اینفورسیمینٹ کمیٹی اور تحصیل اینفورسیمینٹ کمیٹی بنانے کے احکامات جاری کئے ہیں۔ اس سلسلے میں ڈپٹی کمشنر دیر لوئر افتخار احمد کے ہدایات کی روشنی میں اسسٹنٹ کمشنر تیمرگرہ ڈاکٹر ندا کے زیر صدارت اجلاس ہوا۔ اجلاس میں ایگزیکٹیو انجنئیر پیسکو، ڈی۔ایس۔ پی۔ ایس۔ایچ۔تحصیلدار تیمرگرہ / بلامبٹ اور ریونیو فیلڈ سٹاف نے شرکت کی۔ اسسٹنٹ کمشنر نے کمیٹی ممبران کو حکومت کی طرف سے جاری کردہ احکامات کے بارے میں تفصیلی بریفینگ دی اور بجلی چوروں / کنڈا مافیا کے خلاف بلا تفریق موثر کاروائی کرنے کی احکامات جاری کئے۔