پشاور(مانند نیوز) خیبر میڈیکل یونیورسٹی پشاور انسٹی ٹیوٹ آف فزیکل میڈیسن اینڈ ری ہیبلیٹیشن کے زیراہتمام پی ایچ ڈی فزیکل تھراپی کمپری ہینسیو امتحان کا انعقاد کیا گیا۔واضح رہے کہ انسٹی ٹیوٹ آف فزیکل میڈیسن اینڈ ری ہیبلیٹیشن ملک کا پہلا پبلک سیکٹر انسٹی ٹیوٹ ہے جو فزیکل تھراپی میں پی ایچ ڈی کرارہا ہے۔یہ امتحان جس میں آٹھ پی ایچ ڈی سکالرز شریک ہوئے کی نگرانی پروفیسر ڈاکٹرحیدر دارین ڈین الائیڈ ہیلتھ سائنسز کے ایم یو، پروفیسر محمد کاشف رفاہ انٹرنیشنل یونیورسٹی لاہور اور ڈاکٹر دلدار محمد ایسوسی ایٹ پروفیسرکے ایم یوآئی این ایس نے کی جب کہ اس موقع پر ڈاکٹر عاتک عرش بھی بطور ممتحن موجود تھے۔ امتحان دینے والے پی ایچ ڈی اسکالرز پہلے ہی اپنے دوابتدائی سمسٹرز کوالیفائی کر چکے ہیں۔