اسلام آباد(مانند نیوز ڈیسک) سپریم کورٹ کے چیف جسٹس جسٹس قاضی فائز عیسیٰ نے پراپرٹی کیس میں عدالت کا وقت ضائع کرنے پر وکیل کو 5 ہزار روپے جرمانہ کر دیا۔چیف جسٹس آف پاکستان نے حکم دیا کہ جرمانے کی رقم فلاحی ادارے میں جمع کروائی جائے۔چیف جسٹس نے ریمارکس دیئے کہ درخواست گزار کے وکیل نے عدالت کو مس لیڈ کرنے کی کوشش کی،آپ کے اس عمل سے عدالت کو آپ پر اعتبار نہیں رہا۔چیف جسٹس قاضی فائز عیسیٰ نے کہا کہ جرمانے کی رقم اپنی مرضی کے خیراتی ادارے میں جمع کرا کے رسید پیش کریں۔