پشاور(مانند نیوز ڈیسک)ایس ڈی او سیٹھی ٹائون کا قاضی کلے رنگ روڈ میں بجلی چوروں اور نادہندہ گان کیخلاف گرینڈ آپریشن۔ 22ڈائریکٹ کنڈے اور 3 ٹمپرڈ شدہ میٹرزہٹا دیئے۔ 20 لاکھ سے زائد کی ریکوری کی گئی۔راشد لنگڑیال سیکرٹری واٹر اینڈ پاور اور چیف ایگزیکٹو پیسکو کی ہدایت پر خالد خان ایس ڈی او نے پولیس اور سٹاف کے ہمراہ بجلی چوروں اور نادہندہ گان کے خلاف مختلف علاقوں میں کاروائیاں کیں جس میں 22 عدد ڈائریکٹ کنڈے اور 3 عدد ٹمپرڈ میٹرز ہٹائے گئے۔ 20 لاکھ سے زائد کی کیش ریکوری کی گئی جبکہ لاکھوں روپے نادہندگان سے میٹرز اتارے گئے خالد خان نے کہا کہ بجلی چوروں اور نادہندہ گان کے خلاف سیکرٹری واٹر اینڈ پاور کی ہدایت پر پورے ملک میں ٹاسک فورس کی کاروائیاں شروع کر دی گئی ہیں۔ انہوں نے بجلی چوروں کو خبردار کرتے ہوئے کہا کہ لائن لاسز میں کمی اور ریکوری کی بہتری کے لئے بجلی چوروں کے خلاف آپریشن بلا تفریق جاری رہیگا اور ان کے ساتھ کوئی رعایت نہیں برتی جائیگی۔