پشاور(مانند نیوز) تحریک جوانان پاکستان نے آئندہ عام انتخابات میں بھرپور حصہ لینے کا اعلان کر دیا ساتھ ہی شمولیتی پروگراموں کا سلسلہ بھی تیز کر دیا اس سلسلے میں تحریک جوانان پاکستان کے زیر اہتمام تحصیل متھرا کے علاقہ میچنی ماصم خان کورونہ میں رحم داد خان، نظر حسین، طاہر خان، صدام خان، جمیل، حاجی رحمان، اختر خان، کوچے خان، مصطفیٰ، داؤد خان، تیمور خان، جاوید خان اور دیگر نے مختلف سیاسی جماعتوں سے مستعفی ہو کر تحریک جوانان پاکستان میں شمولیت کا اعلان کر دیا اس موقع پر منعقدہ جلسے سے خطاب کرتے ہوئے تحریک جوانان خیبر پختونخوا کے چیف آرگنائزر محمد جان مہمند، صوبائی ترجمان نائب خان، آفس سیکرٹری ابوبکر جان نے خطاب کرتے ہوئے کہا کہ خیبر پختونخوا کی آبادی کی اکثریت جوانوں پر مشتمل ہے اور اس تحریک کے مرکزی چیئرمین عبداللہ گل اس وقت جوانوں کی بھرپور انداز میں نمائندگی کر رہے ہیں انہوں نے کہا کہ تحریک جوانان کے بانی سابق جنرل حمید گل نے اس ملک کے لئے بڑی قربانیاں دی ہیں اور اس ملک کی حقیقی خدمت کی ہے ان کا کہنا تھا کہ آئندہ الیکشن میں تحریک جوان پاکستان بھرپور حصہ لے گی۔