سوات (مانند نیوز)مینگورہ پولیس کی خفیہ اطلاع پرکارروائی، شراب کی فیکٹری پر چھاپہ زنی کے دوران بھاری مقدار میں شراب اور آلات کشیدگی برآمد کرکے ملزمان کو گرفتار کرلیا گیا، پولیس ذرائع کے مطابق مخبر نے مینگورہ شہر کے علاقے شاہدرہ میں شراب کشید کرنے کے فیکٹری کی نشان دہی کی جس پر پولیس نے چھا پہ زنی کرتے ہوئے ایک مکان میں قائم کردہ اس فیکٹری پر کارروائی کے دوران وہاں سے کشید کی گئی شراب کی بھاری مقدار برآمد کرلی، مکان سے شراب کشید کرنے کے آلات بھی بڑی مقدار میں برآمد کئے گئے ہیں، پولیس نے موقع پر موجود ملزمان کوگرفتار کرکے ان کے خلاف منشیات ایکٹ کے تحت مقدمہ درج کرکے مزید کارروائی شروع کردی ہے۔
