اسلام آباد (مانند نیوز ڈیسک)جمعیت علمائے اسلام کے امیر مولانا فضل الرحمان حماس کے رہنمائوں سے اہم ملاقاتوں کے لئے قطر پہنچ گئے۔ نجی ٹی وی کے مطابق مولانا فضل الرحمان حماس کے سربراہ اسماعیل ھنیہ اور سابق سربراہ خالد مشعل سمیت دیگر حماس قیادت سے اہم ملاقاتیں کریں گے۔جمعیت علمائے اسلام کے امیر قطر کے بعد ترکیہ کا دورہ کریں گے۔ مولانا فضل الرحمان ترکیہ اور قطر کی حکومتی شخصیات سے بھی ملاقاتیں کریں گے تاکہ جنگ بندی کرائی جاسکے۔مولانا فضل الرحمان غزہ میں پھنسے مظلوم فلسطینیوں کے لیے امدادی سامان کی ترسیل سمیت دیگر امور پر بھی عرب ممالک کی قیادت سے بات چیت کریں گے۔